Қарасай ауданының қарапайым тұрғындары да қазіргі кезде блокбекеттерде тұрғандарға қол ұшын созуда.
Солардың бірі - Меңдібаевтар отбасы. Отағасы Ыбырай жары Зоямен бірге Іргелі ауылының маңында орналасқан №6 бекетке түскі ас әзірлеп апарған.
"Қазір карантинге байланысты үйдеміз. Тәулік бойы аяқтарынан тік тұрып, қызмет етіп жатқан полиция, медицина, әкімдік қызметкерлеріне деген құрметіміз шексіз. Соларды аз болса қолдау мақсатында қолымыздан келген көмегіміз болсын деп, ас әзірлеп әкелдік. Бірлігіміз осындай кезде сыналады емес пе, бәріміз жұмылсақ, мына ауыр індеттен тезірек айығармыз",- дейді Ыбырай Меңдібаев.
