Айта кетерлігі, қазір қазақстандықтар тұрғын үй жинағын Отбасы банкте ғана жинай алады. Әбілқасымованың айтуынша, тиісті заң жобасы дайындалған. Оған сәйкес, екінші деңгейлі банктерге де тұрғын үй құрылысы жинақ жүйесіне қатысуға рұқсат етілмек.
«Бұл мәселе бойынша біз тиісті өзгерістерді дайындадық. Заңды Бәсекелестікті қорғау және дамыту агенттігі әзірлеп жатыр. Сол заңның ішінде қарастырылады. Бұл норма заң жобасына енді. Құжат қазір мемлекеттік органдар арасында келісуден өтіп жатыр. Заң жобасы Мәжіліске түседі», — деді Әбілқасымова Мәжіліс кулуарында журналистер сұрағына жауабында.